حدیث حاشیہ:
کیتلی سے چائے دانی کی طرح کا برتن مراد ہے جس میں پانی کو جوش دیتے ہیں۔
بعض نسخوں میں والقمقم کی جگہ بالقمقم ہے۔
قاضی عیاض نے کہا کہ صحیح لفظ والقمقم ہی ہے۔
یہ واؤ عاطفہ ہے لیکن اسماعیلی رحمۃ اللہ علیہ کی روایت میں أوالقمقم ہے۔

حدیث حاشیہ:
(1)
حضرت ابن عباس رضی اللہ عنہ سے مروی ایک حدیث میں ہے کہ رسول اللہ صلی اللہ علیہ وسلم نے فرمایا:
”اہل جہنم میں ہلکا اور کم ترین عذاب ابو طالب کو ہو گا۔
اسے آگ کے دو جوتے پہنائیں جائیں گے جس سے اس کا دماغ اُبل رہا ہو گا۔
“ (صحیح مسلم، الإیمان، حدیث: 515 (212)
ایک روایت میں ہے، وہ خیال کرے گا کہ مجھے سب سے زیادہ عذاب ہو رہا ہے، حالانکہ اسے سب سے ہلکا عذاب دیا جا رہا ہو گا۔
(صحیح مسلم، الإیمان، حدیث: 517 (213) (2)
جس طرح آگ ہانڈی کو جوش دیتی ہے اسی طرح دوزخ کی آگ انسان کے بدن کو سخت گرم کرے گی حتی کہ اس کے اثر سے دماغ کھول رہا ہو گا۔
أعاذنا اللہ منه

تخريج الحديث:
[127۔ البخاري فى: 81 كتاب الرقاق: 51 باب صفة الجنة والنار 6561، مسلم 213، ابوعوانة 98/1]
لغوی توضیح:
«أحْمَصِ قَدَمَیْه» قدموں کا وہ نچلا حصہ جو چلتے وقت زمین کو نہیں لگتا۔
«جَمْرَۃُ» انگارہ۔
«یَغْلِی» کھولے گا۔
فھم الحدیث: ایک روایت میں ہے کہ جہنم میں سب سے ہلکا عذاب یہ ہو گا کہ قدموں میں آگ کی جوتیاں پہنائی جائیں گی اور اس سے دماغ اس طرح کھولے گا جیسے ہنڈیا چولہے پر کھولتی ہے۔ [مسلم: كتاب الايمان 213]
ایک دوسری روایت میں ہے کہ یہ عذاب نبی صلی اللہ علیہ وسلم کے چچا ابوطالب کو ہو گا۔ [مسلم: كتاب الايمان 212]

اردو حاشہ:
وضاحت:
1؎:
اغلب یہی ہے کہ اس سے ابوطالب مراد ہیں کیوں کہ مسلم اور دیگر لوگوں کی دیگر روایات میں اس کی صراحت ہے۔

حدیث حاشیہ:
فوائد ومسائل:
اس حدیث سےمعلوم ہوتا ہے کہ دوزخ میں جانے والا فرد یہی سمجھے گا،
کہ سب سےسخت عذاب مجھےہی ہورہاہے،
اس لیے آپ صلی اللہ علیہ وسلم کی سفارش سے جو ابو طالب کے عذاب میں تخفیف ہوئی ہے،
وہ اس کےحق میں اس اعتبار سے نافع نہیں ہوئی،
اس لیے یہ تخفیف ﴿فَمَا تَنفَعُهُمْ شَفَاعَةُ الشَّافِعِينَ﴾ کے منافی نہیں ہے،
یا اس نفع سےمراد:
دوزخ سے نکلنا ہے،
کہ وہ دوزخ سےنہیں نکل سکیں گے۔

حدیث حاشیہ:
صحیح مسلم میں آگ کی دو جوتیاں پہنانے کا ذکر ہے۔
اس سے ابوطالب مراد ہیں۔
تشریح:
ابوطالب آنحضرت صلی اللہ علیہ وسلم کے نہایت ہی معزز چچا ہیں۔
ان کا نام عبدمناف بن عبدالمطلب بن ہاشم ہے۔
حضرت علی مرتضیٰ رضی اللہ عنہ ان کے فرزند ہیں۔
ہمیشہ آنحضرت صلی اللہ علیہ وسلم کی حمایت کرتے رہے مگر قوم کے تعصب کی بنا پر اسلام قبول نہیں کیا۔
ان کی وفات کے پانچ دن بعد حضرت خدیجۃ الکبریٰ کا بھی انتقال ہوگیا۔
ان دونوں کی جدائی سے رسول اللہ صلی اللہ علیہ وسلم کو بے حد رنج ہوا مگر صبر و استقامت کا دامن آپ نے نہیں چھوڑا، یہاں تک کہ اللہ تعالیٰ نے آپ کو غالب فرمایا۔