خثیمہ رضی اللہ عنہ سے روایت ہے کہ ہم حضرت عبداللہ بن عمرو رضی اللہ عنہما کے پاس بیٹھے ہوئے تھے کہ اچانک ان کا وکیل و نگران ان کے پاس آیا اور اندر داخل ہوا، تو انہوں نے پوچھا: کیا تم نے غلاموں کو ان کی خوراک دے دی ہے؟ اس نے کہا: نہیں، انہوں نے کہا: جاؤ، انہیں ان کا خرچ دو، رسول اللہ صلی اللہ علیہ وسلم نے فرمایا ہے: ”انسان کے لیے اتنا گناہ ہی کافی ہے کہ جن کا وہ مالک ہے ان کی خوراک روک لے“ یعنی فرض میں کوتاہی ناقابل معافی ہے۔ [صحيح مسلم/كتاب الزكاة/حدیث: 2312]