حدیث حاشیہ:
مفردات الحدیث:
(1)
القرام:
سید سردار،
نر اونٹ،
مقصود یہ ہے معاملہ فہم ہوں اور صائب الرائے ہوں۔
(2)
لَا أَرِيمُ مَكَانِي﷤:
اپنی جگہ نہیں چھوڑوں گا یا اپنی جگہ سے نہیں ہٹوں گا۔
(3)
الحَوْرِ:
جواب،
چوکہ حور کا اصل معنی رجوع اور واپسی ہے،
اس لیے یہ معنی بھی ہو سکتا ہے۔
وہ ناکام لوٹ آئیں۔
فوائد ومسائل:
اس حدیث سے ثابت ہوتا ہے کہ مصارف زکاۃ (زکاۃ)
کی مدات (میں کسی مصرف کے اعتبار سے بھی آپ صلی اللہ علیہ وسلم کی آل کے لیےصدقہ لینا جائز نہیں ہے۔
اور آپ صلی اللہ علیہ وسلم نے ان کی مہر کی رقم خمس میں سے اپنے حصہ یا رشتہ داروں کے حصہ سے ادا کرنے کا حکم دیا۔
اور اس حدیث سے معلوم ہوتا ہے کہ زکاۃ لوگوں کی میل کچیل ہے اس لیے جہاں تک ممکن ہو اس سے بچنے کی کوشش کرنا چاہیے اس کو شیر مادر سمجھ کر ہضم نہیں کرنا چاہیے جیسا کہ آج کل یہ وبا عام ہو چکی ہے۔

ہاشمی، عباسی، قریشی، اعوان کو زکوٰۃ دینا
➊ صدقات واجبہ رسالت مآب علیہ الصلاۃ والسلام کے خاندان یعنی بنو ہاشم کے لیے جائز نہیں ہیں اور یہ سیدنا علی، جعفر، عقیل، حارث بن عبد المطلب کی اولاد ہیں۔
➋ ❀ «إِنَّ هَذِهِ الصَّدَقَاتِ إِنَّمَا هِيَ أَوْسَاخُ النَّاسِ وَإِنَّهَا لَا تَحِلُّ لِمُحَمَّدٍ وَلَا لِآلِ مُحَمَّدٍ.»
”بے شک یہ صدقات لوگوں کے مالوں کی میل کچیل ہے، اور یہ محمد صلی اللہ علیہ وسلم اور آلِ محمد صلی اللہ علیہ وسلم کے لیے حلال نہیں ہے۔“ [صحيح مسلم: 1072]
➌ ◈ شیخ الاسلام ابن تیمیہ رحمہ اللہ کی رائے میں اب جبکہ بنو ہاشم کا خمس میں حصہ نہیں تو انہیں ضروریات کی تکمیل کے لیے زکوٰۃ دی جا سکتی ہے۔
ابن عثیمین رحمہ اللہ اس رائے کے تعاقب میں فرماتے ہیں: ”ممانعت کی دلیل عام ہے، لہذا کثیر علماء کے نزدیک انہیں زکوٰۃ، صدقہ فطر اور دوسرے صدقات واجبہ کے بجائے نفلی صدقات دے کر مدد کی جائے۔“ [مجموع فتاوٰی ورسائل ابن عثیمین: 429/18]
➍ ◈ ابن جبرین رحمہ اللہ کے نزدیک علماء کی ایک رائے کے مطابق اب جبکہ بنو ہاشم کا حصہ خمس میں نہیں ہے اور رسالت مآب صلی اللہ علیہ وسلم اور ان کے درمیان تقریباً تیس نسلیں گزر چکی ہیں تو انہیں صدقات واجبہ دینے کی گنجائش ہے۔ [فتاوٰی الشیخ ابن جبرین: 3/29 شاملہ، صرف زکوٰۃ لآل محمد صلی اللّٰہ علیہ وسلم وھم بنو ہاشم]
➎ جو لوگ اپنا نسب رسالت مآب صلی اللہ علیہ وآلہ وسلم کی طرف منسوب کرتے ہیں، لازمی نہیں وہ اپنے دعوٰی میں سچے ہوں:
◈ «لَكِنْ لِيُعْلَمَ أَنَّ هَذَا الْبَابَ قَدْ كَثُرَتْ فِيهِ الدَّعَاوِي حَتَّى صَارَ الِانْتِسَابُ إِلَى آلِ الْبَيْتِ وَسِيلَةً لِخِدَاعِ الْمُسْلِمِينَ وَالْكَيْدِ لَهُمْ كَمَا حَصَلَ مِنَ الْعُبَيْدِيِّينَ الْمُنْتَسِبِينَ زُورًا إِلَى فَاطِمَةَ رَضِيَ اللَّهُ عَنْهُمْ وَهُمْ مَجُوسُ الزَّنَادِقَةِ.»
”لیکن جاننا چاہیے کہ اس باب میں دعوے بہت بڑھ گئے ہیں یہاں تک کہ اہل بیت کی طرف انتساب مسلمانوں کو دھوکہ دینے اور ان کے خلاف سازش کرنے کا ذریعہ بن گیا ہے، جیسا کہ عبیدیوں نے کیا جنہوں نے جھوٹا انتساب سیدہ فاطمہ رضی اللہ عنہا کی طرف کیا جبکہ وہ مجوسی زندیق تھے۔“ [فتاوٰی شبکۃ الإسلامیۃ: 2685 الشاملۃ، فضل ذریۃ النبی صلی اللّٰہ علیہ وسلم وذریتہ]
➏ بہت سے عرب علماء کے نزدیک آج جو لوگ خود کو سید یا ہاشمی کہہ رہے ہیں ان کا ایسا ہونا یقینی نہیں ہے۔
سید مہر علی شاہ رحمہ اللہ نے فتاوٰی مہریہ میں اسی جانب اشارہ کرتے ہوئے لکھا کہ بیرونی حملہ آوروں کے باعث ہندوستان میں اکثریت کا نسب ثابت نہیں ہے، اس لیے انہیں محض شک کی بنیاد پہ زکوٰۃ سے محروم نہیں کرنا چاہیے۔
شاہ صاحب دوسری طرف انہی نسب ناموں کی بنیاد پہ سیدہ کے غیر سید سے نکاح کے عدم جواز کا نظریہ رکھتے ہیں، جس سے ہمیں بصد احترام سخت اختلاف ہے۔
خلاصۃ الکلام:
اگر کسی شخص کا ہاشمی ہونا متحقق ہو جائے تو اسے زکوٰۃ دینا جائز ہے نہ اس کے لیے لینا۔
محض شک کی بنیاد پر اور نسابیین پہ اعتماد کرتے ہوئے انہیں زکوٰۃ سے محروم نہ کرنے کی گنجائش ہے۔
ہاں کوئی احتیاط کی راہ اختیار کرنا چاہے اور محض نسبت کی وجہ سے بھی آل ہاشم کو صدقات واجبہ نہ دینے کی رائے رکھتے ہوئے صدقات نافلہ سے ان کی مدد کرے تو یہ احوط ہے۔
ھذا ما عندی واللہ اعلم بالصواب۔
ڈاکٹر محمد جاوید