حدیث حاشیہ:
فوائد ومسائل:
لم يتقيا حتي شربها:
شراب نوشی کے بغیر اس کو قے نہیں ہو سکتی،
امام مالک اور امام احمد کے راجح قول کے مطابق،
شراب کی قے کی شہادت سے شراب نوشی ثابت ہو جاتی ہے،
اس لیے اس پر حد لازم ہو جاتی ہے،
لیکن امام ابو حنیفہ اور امام شافعی کے نزدیک،
شراب کی قے سے حد لازم نہیں ٹھہرتی،
کیونکہ ممکن ہے مجبور اور اضطراری حالت میں یا غلط فہمی سے پی ہو،
لیکن بقول علامہ تقی مالکیہ اور حنابلہ کا موقف مضبوط ہے،
کیونکہ اس کو خلفائے راشدین کے فیصلہ جات کی تائید حاصل ہے،
عقلا بھی اس کی تائید ہوتی ہے اور آج کل کے بگڑے ہوئے حالات کا تقاضا بھی یہی ہے اس لیے امام نووی سے اس کو ترجیح دی ہے،
(تکملہ ج 2 ص 505)
ولي حارها من تولي قارها:
ایک ضرب المثل ہے،
جس کا مقصد یہ ہوتا ہے کہ جو کسی چیز کے فائدہ اور منافع سے متمتع ہوتا ہے،
اس کا اگر کوئی نقصان ہو تو وہ بھی اسے ہی برداشت کرنا چاہیے اور حضرت حسن رضی اللہ عنہ کا مقصد یہ تھا کہ حضرت عثمان رضی اللہ عنہ جب خلافت کی سہولتوں سے فائدہ اٹھا رہے ہیں تو یہ سختی اور شدت کا کام جس سے محدود اور اس کے اقارب کے دل میں نفرت پیدا ہو گی،
بھی خود ہی سرانجام دیں،
حالانکہ حضرت عثمان رضی اللہ عنہ نے حضرت علی رضی اللہ عنہ کی تکریم و توقیر کرتے ہوئے،
انہیں یہ ذمہ داری سونپی تھی،
صحیح بخاری میں حضرت عثمان رضی اللہ عنہ کے مناقب میں آیا ہے کہ حضرت علی نے اَسی کوڑے لگوائے تھے اور تطبیق کی صورت یہ ہے،
جیسا کہ بعض روایات میں موجود ہے کہ چالیس کوڑے لگوائے تھے،
لیکن اس کے سرے دو تھے،
اس لیے جس نے کوڑے کا لحاظ رکھا چالیس کہا اور جس نے کوڑے کے دو سرے سامنے رکھے،
اس نے (80)
کہا،
اس طرح گویا،
چالیس کوڑے دہرے مارنا پسندیدہ عمل قرار دیا،
اس لیے كل سنة کا معنی یہ ہو سکتا ہے،
اَسی (80)
کوڑے اور چالیس دہرے کوڑے،
دونوں سنت ہیں اور اَسی (80)
کوڑے لگانے کا مشورہ خود حضرت علی رضی اللہ عنہ نے ہی دیا تھا۔
(فتح الباری،
ج 12،
ص 85)
جیسا کہ اوپر گزر چکا ہے۔

اردو حاشہ:
فوائد و مسائل:
  خلفائے راشدین کا عمل سنت ہےاور اسے دلیل کے طور پر پیش کیا جا سکتا ہے۔
نبی اکرم صلی اللہ علیہ وسلم نےفرمایا:
”میری سنت اور میرے خلفائے راشدین کی سنت اختیار کرو۔“ (جامع الترمذی، العلم، باب ماجاء فی أخذ بالسنة واجتناب البدعة‘ حدیث: 2672)