ابولبابہ بن عبدالمنذر رضی اللہ عنہ کہتے ہیں: نبی صلی اللہ علیہ وسلم نے بارش کے لیے یہ دعا کی: ﴿اَللّٰهُمَّ اسْقِنَا﴾ ”اے اللہ! ہمیں پانی دیجئے۔“ تو ابولبابہ نے کہا: یا رسول اللہ! کھجوریں خشک کرنے کی جگہوں میں رکھی ہوئی ہیں۔ آپ صلی اللہ علیہ وسلم نے پھر دعا کی: ﴿اَللّٰهُمَّ اسْقِنَا﴾ ”اے اللہ! ہمیں پانی دے۔“ یہاں تک کہ ابولبابہ ننگا اٹھ کر اپنی تہبند کے ساتھ اپنے مربع کھجوروں کی جگہ میں سوراخ بند کرنے لگے۔ اس وقت آسمان میں بادل بالکل نہیں تھا۔ بارش ہونے لگی، لوگ ابولبابہ کے پاس آئے، کہنے لگے: اب یہ کبھی بھی بند نہیں ہو گی یہاں تک کہ تم ننگے کھڑے ہو کر اپنے مربع کی سوراخیں بند نہ کرو، جس طرح نبی صلی اللہ علیہ وسلم نے فرمایا۔ انہوں نے اسی طرح کیا تو آسمان صاف ہو گیا۔ [معجم صغير للطبراني/كتاب الإستسقاء/حدیث: 336]