فوائد ومسائل:
1۔
اللہ کے رسول اس کے دین اور اسلام سے مرتد ہو جانے والے کی سزا قتل ہے۔

2۔
آنکھ سے مخفی اشارہ کرنا آنکھ کی خیانت ہے جو کسی بھی صاحب دین کے لئے روا نہیں اور یہ بہت برا عیب ہے۔

3۔
اللہ تعالی کے فضل وعنایت کی کوئی انتہا نہیں، حضرت عبد اللہ بن سعد بن ابو سرح رضی اللہ عنہ، سیدنا عثمان رضی اللہ عنہ کے رضاعی بھائی تھے بعدازاسلام کچھ عرصہ کے لئے مرتد بھی ہوگئے رسول اللہ صلی اللہ علیہ وسلم نے ابتدا میں ان کے قتل کا حکم بھی دیا تھا، مگر اللہ کی توفیق اور حضرت عثمان رضی اللہ عنہ کی سفارش سے فتح مکہ کے دن ان کی توبہ قبول کر لی گئی تھی۔
اور ان کا اسلام بہت عمدہ رہا۔
سیدنا عثمان کے دور میں مصر کے والی رہے۔
افریقہ ذات الصواری اور اساود کے غزوات ان کی اہم مہمات میں سے ہیں۔

فوائد ومسائل:
1۔
چونکہ یہ لوگ جنگی مجرم تھے۔
اور اسلام ہی کی شہرت ہی ان کے لئے اسلام کی دعوت تھی۔
اس لئے ان کے بارے میں حکم تھا۔
کہ جہاں ملیں ان کو قتل کردیا جائے۔
خواہ کعبہ کے پردوں کے ساتھ ہی کیوں نہ چمٹے ہوئے ہوں۔
اور یہ کئی افراد تھے۔
عکرمہ بن ابی جہل۔
عبد اللہ بن خطل۔
مقیس بن صبابہ۔
عبد اللہ بن سعد بن ابی سرح۔
(ان کے علاوہ اور بھی کئی لوگ تھے) اور عورتوں میں ابن خطل۔
یا مقیس بن صبابہ کی لونڈیاں قریبہ اور فرتنی۔
(علاوہ ازیں اور بھی عورتوں کے نام آتے ہیں) عبد اللہ بن خطل کو کعبہ کے پردوں کے ساتھ چمٹا ہوا پایا گیا۔
اور وہیں قتل کر دیا گیا۔
مقیس بن صبابہ کو لوگوں نے بازار میں جالیا۔
اور قتل ہوا۔
اور عکرمہ بھاگ کرکشتی میں سوار ہوگئے۔
اور قتل ہونے سے بچ گئے۔
پھر بعد میں حاضر خدمت ہوئے اور اسلام لے آئے۔
جو قبول کرلیا گیا۔
اور بڑے مخلص مسلمان ثابت ہوئے۔
عبد اللہ بن ابی سرح کے متعلق آتا ہے۔
یہ ابتداء میں ر سول اللہ صلی اللہ علیہ وسلم کے کاتب تھے۔
مگر مرتد ہوگئے۔
ان پر شدت اور سختی کی وجہ یہی تھی۔
بعد میں انہوں نے بھی دوبارہ اسلام قبول کر لیا گیا تھا۔
عورتوں میں یہ لونڈیاں رسول اللہ صلی اللہ علیہ وسلم کی ہجو کیا (مذمت میں شعرپڑھا) کرتی تھیں۔
قریبہ قتل کی گئی۔
جب کہ فرتنی بھاگ نکلی اور بعدمیں اسلام قبول کیا۔

2۔
آنکھ سے چھپا اشارہ کرنا آنکھ کی خیانت مجرمانہ ہے۔
جو نبی کے کئے خصوصاً اور مومن کے لئے عموما درست نہیں۔
نیزدیکھئے: (سنن أبي داود، الجنائز، حدیث: 3194)