جناب طاؤس رحمہ اللہ کہتے ہیں کہ سیدنا عمر رضی اللہ عنہ منبر پر کھڑے ہوئے اور مذکورہ بالا حدیث کے ہم معنی بیان کیا مگر اس میں ”اس عورت (قاتلہ) کے قتل کیے جانے کا ذکر نہیں کیا۔“ البتہ (جنین کے بدلے میں) ایک غلام یا لونڈی دیے جانے کا بیان کیا۔ طاؤس رحمہ اللہ نے کہا: اس پر سیدنا عمر رضی اللہ عنہ نے کہا: «اللّٰهُ أَكْبَرُ» ”اللہ بہت بڑا ہے“، ”اگر میں یہ نہ سنتا تو اس کے علاوہ کوئی اور فیصلہ کر بیٹھتا۔“ [سنن ابي داود/كتاب الديات /حدیث: 4573]