جناب علی بن یحییٰ بن خلاد نے سیدنا رفاعہ بن رافع رضی اللہ عنہ سے یہ قصہ بیان کیا، انہوں نے کہا: ”جب تم (نماز کے لیے) کھڑے ہو کر قبلہ کی طرف رخ کرو تو «اللّٰهُ أَكْبَرُ» کہو، پھر ام القرآن (سورۃ فاتحہ) اور قرآن سے کچھ پڑھو جو اللہ توفیق دے۔ جب رکوع کرو تو اپنی ہتھیلیوں کو اپنے گھٹنوں پر رکھو اور کمر کو لمبا رکھو۔“ اور فرمایا: ”جب سجدہ کرو تو اطمینان سے ٹک کر سجدہ کرو اور جب سجدے سے اٹھو تو اپنی بائیں ران پر بیٹھ جاؤ۔“ [سنن ابي داود/أبواب تفريع استفتاح الصلاة /حدیث: 859]