فوائد:
➊ ◈ امام نووی رحمہ اللہ فرماتے ہیں: فجر کی دو سنتیں متاع دنیا سے بہتر ہیں۔
➋ ◈ طیبی رحمہ اللہ فرماتے ہیں: اگر دنیا سے مقصود دنیا کے اموال اور زیب و زینت لیا جائے، تو مفہوم یہ ہوگا کہ ان سب سے فجر کی دو سنتیں بیش قیمت ہیں، اور اگر تمام دنیا کو اللہ کی راہ میں خرچ کرنا مراد لیا جائے تو مفہوم یہ ہوگا کہ تمام دنیا کو اللہ کی راہ میں خرچ کرنے سے فجر کی دو سنتوں کا ثواب زیادہ ہے۔
➌ ◈ شاہ ولی اللہ دہلوی رحمہ اللہ [حجة الله البالغة] میں لکھتے ہیں: فجر کی سنتیں دنیا ومافیہا سے اس لیے بہتر ہیں کہ دنیا اور دنیا کی نعمتیں فانی اور بے مزہ ہیں، جب کہ فجر کی سنتوں کا ثواب دائمی اور پر لطف ہے۔ [تحفة الأحوذي: 323/2]