فوائد:
➊ قیام اللیل کے لیے زوجین کا ایک دوسرے کو بیدار کرنا مستحسن اور حصولِ رحمتِ الہی کا باعث ہے۔
نیز اس طریقے پر عمل کرنے سے وہ الذاکرین والذاکرات کی صف میں شامل ہو سکتے ہیں۔
❀ ابوسعید اور ابوہریرہ رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا:
«إِذَا أَيْقَظَ الرَّجُلُ أَهْلَهُ مِنَ اللَّيْلِ فَصَلَّيَا أَوْ صَلَّى رَكْعَتَيْنِ جَمِيعًا كُتِبَا فِي الذَّاكِرِينَ وَالذَّاكِرَاتِ»
”جب رات کو انسان اپنی بیوی کو بیدار کرے اور وہ دونوں نماز پڑھیں یا اکٹھے دو رکعت نماز پڑھیں تو وہ کثرت سے ذکر کرنے والوں اور کثرت سے ذکر کرنے والیوں میں شمار کیے جاتے ہیں۔“ [سنن أبي داود: 1309]
➋ زوجین میں سے ایک دوسرے کو نیکی کے کاموں کی ترغیب دے، یہ حسنِ معاشرت کا اعلیٰ مقام اور اہم مطلوب ہے۔
➌ نیند سے بیداری کا بہترین حل سوئے ہوئے شخص پر پانی کے چھینٹے مارنا ہے، اس سے نیند کی سستی اور غفلت کا مکمل ازالہ ہو جاتا ہے۔