فوائد:
➊ مسجد میں گم شدہ چیز کا اعلان کرانا اور اسی طرح خرید و فروخت، مزدوری کرانا اور عقود طے کرنا ممنوع فعل ہے اور مسجد میں آواز بلند کرنا مکروہ ہے۔ [شرح النووي: 5/54]
➋ جو شخص مسجد میں گم شدہ چیز کا اعلان کرائے اس کے لیے یہ کہنا چاہیے کہ اللہ تعالیٰ تیری چیز واپس نہ لوٹائے۔
➌ مسجد یا مسجد سے باہر گمشدہ چیز کا مسجد میں اعلان کرانا حرام ہے، البتہ مسجد سے باہر کھڑے ہو کر مسجد میں داخل ہونے اور نکلنے والوں سے گمشدہ چیز کے بارے میں معلومات حاصل کی جا سکتی ہیں۔
➍ اگر کسی شخص کو گم شدہ چیز ملے تو وہ حاضرینِ مسجد کو مطلع کر سکتا ہے۔ یہ عمل بھی پسندیدہ نہیں کیونکہ مساجد ذکرِ الہٰی، عبادات اور علم و تذکرہِ علم کے لیے تعمیر ہوئی ہیں، لہٰذا اس کے لیے مسجد کا بیرونی حصہ استعمال کیا جائے۔