فوائد:
سنت سے بیزاری کی وجہ سے موزوں پر مسح کے جواز کو تسلیم نہ کرنا اور اس سنت پر ارادتاً عمل ترک کرنا جائز نہیں ہے اور ایسے لوگ حدیث میں مذکور وعید میں شامل ہیں۔
لہذا اس انکار اور تعطیلِ عمل سے اجتناب بہتر ہے، نیز اللہ تعالیٰ شریعت میں دی گئی رخصت اختیار کرنے کو پسند فرماتے ہیں۔
❀ سیدنا عبد اللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا:
«ان الله يحب ان تؤتي رخصته كما يكره ان تؤتي معصيته» .
”بلاشبہ اللہ تعالیٰ اس بات کو پسند کرتے ہیں کہ اس کی رخصتوں کو اختیار کیا جائے، جیسے وہ ناپسند کرتے ہیں کہ اس کی معصیت کا ارتکاب کیا جائے۔“ [صحیح ابن حبان: 270، 2742، مسند احمد: 108/2، اسنادہ حسن]