فوائد:
➊ احادیثِ باب دلیل ہیں کہ جو شخص فوت ہو جائے اور اس کے ذمہ فرض روزوں کی قضا ہو تو اس کا وارث اس کی طرف سے روزے رکھے گا۔ محدثین کا یہی موقف ہے اور یہی قول راجح ہے۔ [تحفة الأحوذي: 2/ 253]
➋ میت فوت ہو جائے اور اس پر فرض روزوں کی قضا ہو تو اس کے ولی کا اس کی طرف سے روزے رکھنا کافی ہے۔ یہاں خبر امر کے معنی میں ہے کہ اس کا ولی اس کی طرف سے روزے رکھے، پھر امر وجوب کا متقاضی ہے لیکن اجماع ہے کہ یہاں امر ندب و استحباب کے لیے ہے۔ (لہٰذا میت کی طرف سے ولی کا روزہ رکھنا مستحب فعل ہے)۔ [سبل السلام: 3/ 249]