فوائد:
➊ یہ احادیث دلیل ہیں کہ غسل اور وضو کے لیے لکڑی، پیتل وغیرہ اور ہر وہ برتن استعمال کیے جا سکتے ہیں۔
بشرطیکہ وہ سونے چاندی سے تیار نہ کیے گئے ہوں۔
➋ ایک برتن سے زن و شو کا ایک ساتھ غسل کرنا جائز ہے اور اس سے پانی کی طہارت اور پاکی کی صلاحیت متاثر نہیں ہوتی۔
➌ برتن میں آٹے اور طاہر چیز کے نشان اور معمولی ملاوٹ سے پانی طاہر و مطہر رہتا ہے اور طاہر چیز کے پانی میں واقع ہونے سے پانی کی طہارت متاثر نہیں ہوتی۔