فوائد:
➊ عرفات سے واپس مزدلفہ کی طرف جانے والے کے لیے مستحب ہے کہ مزدلفہ میں پہنچے بغیر نمازِ مغرب ادا نہ کرے اور مزدلفہ میں پہنچ کر مغرب و عشاء کی نمازیں اکٹھی پڑھے۔ اس مسئلہ میں کوئی اختلاف نہیں ہے۔ ◈ اہل علم کا اس مسئلہ پر اجماع ہے۔ [المغني: 446/3]
➋ مزدلفہ میں پہنچ کر نمازِ مغرب و عشاء جلدی ادا کرنا افضل ہے اور طلوعِ فجر سے کچھ دیر پہلے تک ان نمازوں کی تاخیر بھی جائز ہے۔
➌ مغرب و عشاء کی دونوں نمازوں میں کچھ فاصلہ کرنے میں کوئی حرج نہیں۔