عبداللہ بن بریدہ رحمہ اللہ اپنے والد کا یہ بیان نقل کرتے ہیں: نبی کریم صلی اللہ علیہ وسلم نے مجھ سے فرمایا: ”اے بریدہ! جب تم رکوع سے سر اٹھاؤ، تو یہ پڑھو: ’سمع اللہ لمن حمدہ، اللھم ربنا لك الحمد ملء السماء وملء الارض وملء ما شئت من شیء بعد‘۔“ اللہ تعالیٰ نے اس شخص کی بات سن لی، جس نے اس کی حمد کی۔ ”اے اللہ، اے ہمارے پروردگار! حمد تیرے لیے مخصوص ہے، جو اتنی ہو، جو آسمان کو بھر دے اور زمین کو بھر دے اور ان کے علاوہ جس چیز کو تو چاہے، اسے بھی بھر دے۔“ [سنن الدارقطني/ كتاب الصلاة/حدیث: 1284]