سیدنا قیس بن عمرو رضی اللہ عنہ بیان کرتے ہیں: ایک مرتبہ نبی کریم صلی اللہ علیہ وسلم نے ایک شخص کو دیکھا جو فجر کی نماز کے بعد دو رکعت ادا کر رہا تھا، نبی کریم صلی اللہ علیہ وسلم نے دریافت کیا: ”کیا صبح کی نماز دو مرتبہ پڑھی جاتی ہے؟“ ان صاحب نے عرض کی: میں نے فجر سے پہلی والی دو رکعت (سنت) ادا نہیں کی تھی، اس لیے اب انہیں ادا کر لیا ہے۔ راوی بیان کرتے ہیں: نبی کریم صلی اللہ علیہ وسلم خاموش رہے، یہاں قیس نامی راوی سے مراد یحییٰ بن سعید کے دادا ہیں۔ [سنن الدارقطني/ كتاب الصلاة/حدیث: 1440]