سیدنا جابر رضی اللہ عنہ بیان کرتے ہیں: نبی کریم صلی اللہ علیہ وسلم نے ہرن کے بارے میں یہ فیصلہ دیا تھا: ”ایک بکری کی قربانی دینی ہو گی۔“ گوہ کے بارے میں دنبے کی قربانی کا فیصلہ دیا تھا، خرگوش کے بارے میں بکری کے بچے کی قربانی کا فیصلہ دیا تھا اور یربوع کے بارے میں بکری کے بچے کی قربانی کا فیصلہ دیا تھا۔ راوی کہتے ہیں: میں نے ابن زبیر سے دریافت کیا: لفظ ”جفرہ“ سے مراد کیا ہے؟ انہوں نے فرمایا: وہ بچہ، جس کا دودھ چھڑایا جا چکا ہو اور وہ چل سکتا ہو۔ [سنن الدارقطني/ كتاب الحج/حدیث: 2549]