سیدنا علی رضی اللہ عنہ ارشاد فرماتے ہیں: جب کوئی شخص چوری کرے، تو اس کا دایاں ہاتھ کاٹ دیا جائے، اگر وہ دوبارہ چوری کرے، تو اس کا بایاں پاؤں کاٹ دیا جائے، اگر وہ پھر چوری کرے، تو میں اسے قید کر دوں گا، اور اس وقت تک قید رکھوں گا، جب تک وہ ٹھیک نہیں ہو جاتا، مجھے اس بات سے اللہ سے حیا آتی ہے کہ میں اس (چور) کو ایسی حالت میں کر دوں کہ اس کا کوئی ہاتھ بھی نہ ہو، جس کے ذریعے وہ کچھ کھا سکے یا استنجا کر سکے، یا اس کا کوئی پاؤں نہ ہو، جس کے ذریعے وہ چل سکے۔ [سنن الدارقطني/ كتاب الحدود والديات وغيره/حدیث: 3166]