سیدنا علی رضی اللہ عنہ نے فرمایا: ”ولدِ ملعنہ (یعنی جس کی ماں نے لعان کیا) کے متعلق، جو مر گیا اور اپنی ماں اور بھائی کو چھوڑ گیا، اس کے بھائی کو چھٹا حصہ، ماں کو تیسرا حصہ دیا جائے اور جو بچے وہ ان دونوں میں ان کے حصوں کے مطابق لوٹا دیا جائے۔“ اور سیدنا عبداللہ بن مسعود رضی اللہ عنہ نے فرمایا: ”بھائی کو چھٹا حصہ اور باقی ماں کو، اور ماں اس کی عصبہ ہے۔“ اور سیدنا زید بن ثابت رضی اللہ عنہ نے فرمایا: ”ماں کو تیسرا حصہ، بھائی کو چھٹا حصہ اور باقی بیت المال کے لیے۔“ [سنن سعید بن منصور/كتاب ولاية العصبة/حدیث: 1296]