حضرت شعبی رحمہ اللہ روایت کرتے ہیں کہ دو بھائیوں نے دو بہنوں سے نکاح کیا، اور (غلطی سے) ہر ایک کے پاس دوسرے کی بیوی داخل کر دی گئی۔ تو سیدنا علی رضی اللہ عنہ نے فرمایا: ”ان دونوں کے درمیان جدائی کرا دی جائے گی، اور ہر عورت کو اس کا مہر دیا جائے گا، اور ان میں سے ہر مرد اپنی بیوی کے قریب نہ آئے جب تک کہ اس کی بہن کی عدت پوری نہ ہو جائے، اور دونوں شوہر اس شخص سے مہر واپس لیں گے جس نے انہیں دھوکہ دیا تھا۔“ [سنن سعید بن منصور/كتاب الطلاق/حدیث: 3296]