نزال بن سبرہ بیان کرتے ہیں: ہم نے سیدنا علی رضی اللہ عنہ کی اقتداء میں ظہر کی نماز ادا کی پھر ہم کھلے میدان کی طرف آ گئے سیدنا علی رضی اللہ عنہ نے ایک برتن منگوایا جس میں پانی موجود تھا۔ انہوں نے اسے لیا اس کے ذریعے کلی کی ناک میں پانی ڈالا چہرے دونوں بازوؤں اور اپنے سر اور دونوں پاؤں پر مسح کیا پھر انہوں نے باقی بچا ہوا پانی کھڑے ہو کر پی لیا پھر آپ نے فرمایا: کچھ لوگ اس بات کو ناپسند کرتے ہیں، کہ وہ کھڑے ہو کر پانی پی لیں، جب کہ نبی اکرم صلی اللہ علیہ وسلم نے اس طرح کیا ہے، جس طرح میں نے کیا ہے، اور یہ اس شخص کا وضو ہے، جو پہلے بے وضو نہ ہوا ہو۔ [صحیح ابن حبان/كتاب الطهارة/حدیث: 1341]