محمد بن عمرو اپنے والد کے حوالے سے اپنے دادا کا یہ بیان نقل کرتے ہیں۔ میں سیدنا معاویہ رضی اللہ عنہ کے پاس موجود تھا۔ مؤذن نے «اللہ اکبر» «اللہ اکبر» کہا: تو سیدنا معاویہ رضی اللہ عنہ نے بھی «اللہ اکبر» «اللہ اکبر» کہا: مؤذن نے «اشهد ان لا الله الا اللہ» کہا: تو سیدنا معاویہ رضی اللہ عنہ نے بھی «اشهد ان لا اله الا الله» کہا: مؤذن نے «اشهد ان محمدا رسول اللہ» کہا: تو سیدنا معاویہ رضی اللہ عنہ نے بھی «اشهد ان محمدا رسول الله» کہا: مؤذن نے «حی علی الصلوة» کہا: تو سیدنا معاویہ رضی اللہ عنہ نے «لا حول ولا قوة الا بالله» کہا: مؤذن نے «حی علی الفلاح» کہا: تو سیدنا معاویہ رضی اللہ عنہ نے کہا: «لا حول ولا قوة الا بالله» مؤذن نے «الله اكبر» «الله اكبر» «لا اله الا اللہ» کہا: تو سیدنا معاویہ رضی اللہ عنہ نے بھی «الله اكبر» «الله اكبر» «لا اله الا اللہ» کہا: پھر انہوں نے یہ بات بھی بیان کی۔ نبی اکرم صلی اللہ علیہ وسلم بھی اسی طرح فرماتے تھے۔ (یعنی اذان کا جواب دیتے تھے) [صحیح ابن حبان/كتاب الصلاة/حدیث: 1687]