مجمع بن یحیی بیان کرتے ہیں: ابوامامہ بن سہل کے پاس بیٹھا ہوا تھا۔ مؤذن آیا اور اس نے «اللہ اکبر» «اللہ اکبر» کہا: تو سیدنا ابوامامہ رضی اللہ عنہ نے اس کی مانند کہا: مؤذن نے «اشهد ان لا اله الا الله» کہا: تو سیدنا ابوامامہ رضی اللہ عنہ نے اس کی مانند کہا: مؤذن نے «اشهد ان محمدا رسول اللہ» کہا: تو سیدنا ابوامامہ رضی اللہ عنہ نے اس کی مانند کہا: پھر وہ میری طرف متوجہ ہوئے اور بولے: سیدنا معاویہ رضی اللہ عنہ نے نبی اکرم صلی اللہ علیہ وسلم کے حوالے سے اسی طرح حدیث مجھے بیان کی ہے۔ [صحیح ابن حبان/كتاب الصلاة/حدیث: 1688]