ابن شہاب زہری بیان کرتے ہیں: امام زین العابدین رضی اللہ عنہ نے مجھے یہ بات بتائی ہے ان کے والد (سیدنا امام حسین رضی اللہ عنہ) نے انہیں یہ بتایا، سیدنا علی بن ابوطالب رضی اللہ عنہ نے انہیں یہ بتایا: نبی اکرم صلی اللہ علیہ وسلم رات کے وقت ان کے ہاں تشریف لائے۔ آپ نے دریافت کیا: کیا تم لوگوں نے نماز ادا نہیں کی۔ میں نے عرض کی: یا رسول اللہ صلی اللہ علیہ وسلم ! ہماری جانیںاللہ تعالیٰ کے دست قدرت میں ہیں وہ جب ہمیں بیدار کرنا چاہتا ہے وہ بیدار کر دیتا ہے (تو آج اس نے بیدار نہیں کیا، تو ہم بھی نہیں اٹھے) نبی اکرم صلی اللہ علیہ وسلم کو جب میں نے یہ گزارش کی تو آپ واپس مڑ گئے آپ نے مجھے کوئی ارشاد نہیں فرمایا: پھر میں نے آپ کو سنا، آپ اپنا ہاتھ مارتے ہوئے یہ آیت پڑھ رہے تھے۔ ”انسان سب سے زیادہ بحث کرتا ہے۔“ [صحیح ابن حبان/كتاب الصلاة/حدیث: 2566]