سیدہ عائشہ صدیقہ رضی اللہ عنہا کے بارے میں منقول ہے: انہوں نے دریافت کیا: یزید بن قیس کے ساتھ کیا ہوا؟اللہ تعالیٰ اس پر لعنت کرے لوگوں نے بتایا: وہ مر گیا ہے، تو سیدہ عائشہ رضی اللہ عنہا نے کہا: میںاللہ تعالیٰ سے مغفرت طلب کرتی ہوں لوگوں نے سیدہ عائشہ رضی اللہ عنہا سے دریافت کیا۔ کیا وجہ ہے کہ پہلے آپ نے اس پر لعنت کی تھی اور پھر آپ نے یہ کہا: ہے کہ میںاللہ تعالیٰ سے مغفرت طلب کرتی ہوں، تو سیدہ عائشہ رضی اللہ عنہا نے یہ بتایا نبی اکرم صلی اللہ علیہ وسلم نے یہ بات ارشاد فرمائی ہے۔ ”تم لوگ مردوں کو برا نہ کہو، کیونکہ وہ اس چیز کی طرف چلے گئے ہیں جو انہوں نے آگے بھیجا تھا۔“ (امام ابن حبان رحمہ اللہ فرماتے ہیں:) سیدہ عائشہ رضی اللہ عنہا کا انتقال 57 ہجری میں ہوا اور مجاہد کی پیدائش سیدنا عمر رضی اللہ عنہ کے عہد خلافت میں 21 ہجری میں ہوئی تو یہ چیز تمہاری رہنمائی اس بات کی طرف کرے گی۔ جو شخص اس بات کا قائل ہو کہ مجاہد نے سیدہ عائشہ رضی اللہ عنہا سے احادیث کا سماع نہیں کیا۔ اسے اپنی اس رائے میں وہم ہوا ہے۔ [صحیح ابن حبان/كتاب الجنائز وما يتعلق بها مقدما أو مؤخرا/حدیث: 3021]