ابواسود دیلی بیان کرتے ہیں: میں مدینہ منورہ آیا وہاں وباء پھیلی ہوئی تھی جس کی وجہ سے بڑی تیزی سے اموات ہو رہی تھیں میں سیدنا عمر بن خطاب رضی اللہ عنہ کے پاس بیٹھا ہوا تھا ان کے پاس سے ایک جنازہ گزرا اس مرحوم کی اچھی تعریف بیان کی گئی، تو سیدنا عمر رضی اللہ عنہ نے فرمایا: واجب ہو گئی پھر ایک اور جنازہ گزرا اس مرحوم کی برائی بیان کی گئی، تو سیدنا عمر رضی اللہ عنہ نے فرمایا: واجب ہو گئی۔ ابواسود نے دریافت کیا: اے امیر المؤمنین! کیا چیز واجب ہو گئی، تو انہوں نے بتایا: یہ بالکل اسی طرح ہے، جس طرح نبی اکرم صلی اللہ علیہ وسلم نے ارشاد فرمایا تھا: ”جس بھی مسلمان کے بارے میں چار افراد اچھائی کی گواہی دے دیںاللہ تعالیٰ اسے جنت میں داخل کر دے گا، تو ہم نے عرض کی: اگر تین دے دیں؟ تو نبی اکرم صلی اللہ علیہ وسلم نے ارشاد فرمایا: اگر تین دے دیں، تو بھی یہ اجر و ثواب حاصل ہو گا۔ راوی کہتے ہیں: ہم نے عرض کیا: اگر دو دے دیں؟ تو نبی اکرم صلی اللہ علیہ وسلم نے فرمایا: اگر دو دے دیں (تو بھی یہ اجر و ثواب حاصل ہو گا)“ (سیدنا عمر رضی اللہ عنہ کہتے ہیں) ہم نے نبی اکرم صلی اللہ علیہ وسلم سے ایک شخص کے بارے میں دریافت نہیں کیا۔ [صحیح ابن حبان/كتاب الجنائز وما يتعلق بها مقدما أو مؤخرا/حدیث: 3028]