سیدنا عوف بن مالک رضی اللہ عنہ بیان کرتے ہیں کہ جب نبی اکرم صلی اللہ علیہ وسلم کے پاس مالِ فے آتا تو آپ صلی اللہ علیہ وسلم اسے اسی دن تقسیم کر دیتے تھے۔ آپ صلی اللہ علیہ وسلم بال بچے دار شخص کو دو حصے عطا فرماتے تھے اور کنوارے کو ایک حصہ عطا فرماتے تھے۔ (امام ابن حبان رحمہ اللہ فرماتے ہیں:) اس بات کا احتمال موجود ہے کہ نبی اکرم صلی اللہ علیہ وسلم کے پاس جب مالِ فے آتا اور آپ صلی اللہ علیہ وسلم اسے اسی دن تقسیم کر دیتے اور بال بچے دار شخص کو دو حصے عطا فرماتے اور کنوارے کو ایک حصہ عطا فرماتے، (یہ احتمال ہے کہ) یہ ادائیگی مالِ خمس میں سے کی جاتی ہو گی کیونکہ آپ صلی اللہ علیہ وسلم بال بچے دار اور کنواروں کو مختلف نوعیت کی ادائیگی فرماتے تھے۔ [صحیح ابن حبان/كتاب السير/حدیث: 4816]