سیدنا ابوامامہ رضی اللہ عنہ، نبی اکرم صلی اللہ علیہ وسلم کا یہ فرمان نقل کرتے ہیں: ”تین لوگوں کی ضمانتاللہ تعالیٰ کے ذمے ہے کہ اگر وہ زندہ رہے، تو انہیں رزق دیا جائے گا اور ان کی کفایت کی جائے گی اور اگر وہ فوت ہو جائیں، تواللہ تعالیٰ انہیں، جنت میں داخل کرے گا، جو شخص اپنے گھر میں داخل ہو کر سلام کرے، تو وہ شخصاللہ تعالیٰ کے ذمے ہے اور جو شخص نکل کر مسجد کی طرف جائے، تو وہاللہ تعالیٰ کے ذمے ہے اور جو شخص اللہ کی راہ میں (جہاد کرنے کے لئے) نکلے وہاللہ تعالیٰ کے ذمے ہے۔“
امام ابن حبان رحمہ اللہ فرماتے ہیں: محمد بن معافی نے اٹھارہ سال تک دنیا کی پاکیزہ چیزوں میں سے کوئی چیز نہیں کھائی، وہ افطار کے وقت شوربا وغیرہ پی لیا کرتے تھے۔ [صحیح ابن حبان/كتاب البر والإحسان/حدیث: 499]