مصعب بن سعد بن وقاص اپنے والد کا یہ بیان نقل کرتے ہیں: ایک دیہاتی نبی اکرم صلی اللہ علیہ وسلم کی خدمت میں حاضر ہوا اس نے عرض کی: یا رسول اللہ! آپ مجھے ایسے کلام کی تعلیم دیجئے جسے میں پڑھا کروں، تو نبی اکرم صلی اللہ علیہ وسلم نے ارشاد فرمایا: تم یہ پڑھا کرو: ”اللہ تعالیٰ کے علاوہ اور کوئی معبود نہیں ہے وہی ایک معبود ہے اور اس کا کوئی شریک نہیں ہے۔اللہ تعالیٰ سب سے بڑا ہے اور تمام حمداللہ تعالیٰ کے لئے مخصوص ہے، جو زیادہ ہواللہ تعالیٰ کی ذات ہر عیب سے پاک ہے، جو تمام جہانوں کا پروردگار ہے اوراللہ تعالیٰ کی مدد کے بغیر کچھ نہیں ہو سکتا وہ بلند و برتر اور تنظیم ہے، جو غالب اور حکمت والا ہے۔“ اس شخص نے عرض کی: یہ کلمات تو میرے پروردگار کے لئے ہیں میرے لئے کیا ہوں گے، تو نبی اکرم صلی اللہ علیہ وسلم نے فرمایا: تم یہ کہو۔ ”اے اللہ! تو میری مغفرت کر دے، تو مجھ پر رحم کر اور مجھے ہدایت پر ثابت قدم رکھ اور تو مجھے رزق عطا کر۔“ (امام ابن حبان رحمہ اللہ فرماتے ہیں:) اس روایت میں جو یہ الفاظ استعمال ہوئے ہیں، اے اللہ! تو مجھے ہدایت دے۔ اے اللہ! میں تجھ سے ہدایت کا سوال کرتا ہوں اور اس کی مانند جو دیگر الفاظ ہیں۔ اس سے مراد ہدایت پر ثابت قدم رہنا اور اس میں اضافہ ہونا ہے، کیونکہ یہ بات ناممکن ہے، کوئی مومن اضافی ہدایت کا سوال کرے جبکہ اللہ اس سے پہلے اسے ہدایت دے چکا ہو۔ [صحیح ابن حبان/كتاب الرقائق/حدیث: 946]