سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”کوئی بھی ایسا مسلمان جو اپنے کسی بھائی کی عیادت کرے اور اس کے پاس جائے جب کہ ابھی اس کی موت کا وقت نہ آیا ہو، پھر وہ سات مرتبہ یہ کہے: «أَسْأَلُ اللَّهَ الْعَظِيمَ، رَبَّ الْعَرْشِ الْعَظِيمِ، أَنْ يَشْفِيَ فُلَانًا مِنْ مَرَضِهِ» ”میں عظمت والے اللہ، جو عرشِ عظیم کا رب ہے، سے سوال کرتا ہوں کہ وہ فلاں کو اس کی بیماری سے شفا عطا فرمائے۔“ تو اللہ اسے ضرور شفا عطا فرما دے گا۔“
یہ ایسی روایت نہیں جسے خلاف شمار کیا جائے، کیونکہ حجاج بن ارطاہ حفظ و اتقان میں عبد ربہ بن سعید اور ابو خالد الدالانی سے کم تر ہیں، اگر اس روایت سے عبد اللہ بن حارث کی حدیث ثابت ہو جائے تو یہ سعید بن جبیر کی حدیث کے لیے شاہد بن جائے گی۔ [المستدرك على الصحيحين/كتاب الجنائز/حدیث: 1286]