سیدنا (عبداللہ) ابن عمر رضی اللہ عنہما فرماتے ہیں: رسول اللہ صلی اللہ علیہ وسلم نے ارشاد فرمایا: جو تم سے اللہ کے نام پر مانگے، تم اس کو عطا کرو، اور جو تم سے اللہ کے نام پر پناہ مانگے تم اس کو پناہ دے دو، اور جو تمہیں دعوت دے تم اس کی دعوت کو قبول کرو اور جو تمہیں تحفہ دے تو تم بھی بدلے میں اس کو تحفہ دو اور اگر تحفہ دینے کی استطاعت نہ ہو تو اس کے لیے اس قدر دعائیں کرو کہ تم خود سمجھو کہ تم نے اس کے تحفہ کا بدلہ دے دیا ہے۔ ٭٭ یہ حدیث امام بخاری رحمۃ اللہ علیہ و امام مسلم رحمۃ اللہ علیہ دونوں کے معیار کے مطابق صحیح ہے لیکن دونوں نے ہی اسے نقل نہیں کیا۔ اس حدیث کی سند قائم کرتے ہوئے اعمش سے روایت کرنے میں ابوعوانہ، جریر بن عبدالحمید اور عبدالعزیز بن مسلم القسملی نے عمار بن زریق کی متابعت کی ہے۔ [المستدرك على الصحيحين/كتاب الزكاة/حدیث: 1519]

ابوعوانہ کی سند کے ہمراہ بھی یہ حدیث منقول ہے۔ [المستدرك على الصحيحين/كتاب الزكاة/حدیث: 1519M1]

جریر بن عبدالحمید کی سند کے ہمراہ بھی یہ حدیث منقول ہے۔ [المستدرك على الصحيحين/كتاب الزكاة/حدیث: 1519M2]

عبدالعزیز بن مسلم کی سند کے ہمراہ بھی یہ حدیث منقول ہے۔ یہ وہ احادیث ہیں جن کی اسناد کے صحیح ہونے پر اتفاق ہے۔ اور ان کو محمد بن ابوعبیدہ بن معن کی اس روایت کی وجہ سے معلل نہیں کہہ سکتے جو انہوں نے اپنے والد کے واسطے سے اعمش کے ذریعے ابراہیم التیمی کے حوالے سے مجاہد سے روایت کی ہے۔ اور اعمش کے پاس اس حدیث کی ایک اور سند بھی ہے اور وہ امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق ہے۔ (وہ حدیث درج ذیل ہے)۔ یہ حدیث اعمش کی دوسری سند کے ہمراہ منقول ہے۔ [المستدرك على الصحيحين/كتاب الزكاة/حدیث: 1519M3]