سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ایک لشکر روانہ فرمایا جو چند افراد پر مشتمل تھا، آپ صلی اللہ علیہ وسلم نے دریافت فرمایا: ”تمہیں کتنا قرآن یاد ہے؟“ آپ صلی اللہ علیہ وسلم نے باری باری ان سب کا امتحان لیا یہاں تک کہ ایک ایسے نوجوان کے پاس پہنچے جو ان سب میں عمر کے لحاظ سے سب سے چھوٹا تھا، آپ صلی اللہ علیہ وسلم نے پوچھا: ”اے فلاں! تمہیں کتنا قرآن یاد ہے؟“ اس نے عرض کیا: مجھے فلاں فلاں سورتیں اور سورہ بقرہ یاد ہے، آپ صلی اللہ علیہ وسلم نے فرمایا: ”جاؤ، تم ہی ان کے امیر ہو (کیونکہ تمہیں سورہ بقرہ جیسی عظیم سورت یاد ہے)۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/أول كتاب المناسك/حدیث: 1639]