سیدنا عبدالرحمن بن یعمر رضی اللہ عنہ سے روایت ہے کہ میں عرفہ کے مقام پر نبی کریم صلی اللہ علیہ وسلم کی خدمت میں حاضر ہوا، اہل نجد میں سے کچھ لوگ بھی آپ صلی اللہ علیہ وسلم کے پاس آئے اور سوال کیا، تو آپ صلی اللہ علیہ وسلم نے ایک منادی کو حکم دیا جس نے یہ اعلان کیا: ”حج عرفہ (میں وقوف) کا نام ہے، حج عرفہ ہی ہے، اور جو شخص مزدلفہ کی رات طلوع فجر سے پہلے پہنچ گیا اس نے حج پا لیا، منیٰ کے ایام تین ہیں، پس جو ﴿فَمَنْ تَعَجَّلَ فِي يَوْمَيْنِ فَلَا إِثْمَ عَلَيْهِ وَمَنْ تَأَخَّرَ فَلَا إِثْمَ عَلَيْهِ﴾ ”دو دنوں میں جلدی کر کے چلا جائے اس پر کوئی گناہ نہیں اور جو تاخیر کرے اس پر بھی کوئی گناہ نہیں“ [سورة البقرة: 203] ، آپ صلی اللہ علیہ وسلم نے ایک شخص کو اپنے پیچھے سواری پر بٹھایا جس نے یہی پکار لگائی۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/أول كتاب المناسك/حدیث: 1721]