یسع بن مغیرہ اپنے چچا سے روایت کرتے ہیں کہ رسول اللہ صلی اللہ علیہ وسلم بازار میں ایک ایسے شخص کے پاس سے گزرے جو غلہ اس قیمت پر بیچ رہا تھا جو مارکیٹ ریٹ سے سستی تھی، آپ صلی اللہ علیہ وسلم نے اس سے دریافت فرمایا: ”کیا تم ہمارے بازار میں ہماری قیمتوں سے سستا مال بیچ رہے ہو؟“ اس نے عرض کیا: جی ہاں، آپ صلی اللہ علیہ وسلم نے پوچھا: ”صرف ثواب اور رضا الٰہی کی نیت سے؟“ اس نے عرض کیا: جی ہاں، آپ صلی اللہ علیہ وسلم نے فرمایا: ”تجھے خوشخبری ہو، کیونکہ ہمارے بازار میں (باہر سے مال) لانے والا اللہ کی راہ میں جہاد کرنے والے کی مانند ہے، اور ہمارے بازار میں ذخیرہ اندوزی کرنے والا اللہ کی کتاب میں ملحد (سرکش نافرمان) کی طرح ہے۔“ [المستدرك على الصحيحين/كتاب : البيوع/حدیث: 2197]