سیدنا سعد رضی اللہ عنہ فرماتے ہیں کہ رسول اللہ صلی اللہ علیہ وسلم نے فتح مکہ کے دن چار مرد اور دو عورتوں کے سِوا ہر شخص کو امان دی اور (ان چھے کے متعلق) فرمایا: یہ اگر تمہیں کعبہ کے پردوں میں لپٹے ہوئے مل جائیں تو ان کو مار ڈالو (وہ چار مرد یہ تھے): (1) سیدنا عکرمہ بن ابی جہل رضی اللہ عنہ (یہ اس دن بھاگ کر بچ گئے تھے پھر ایمان لے آئے تھے)۔ (2) عبداللہ بن خطل۔ (3) مقیس صبابہ (بعض روایات میں مقیس بن ضبابہ ہے)۔ (4) سیدنا عبداللہ بن سعد بن ابی سرح رضی اللہ عنہ (انہوں نے سیدنا عثمان رضی اللہ عنہ کی پناہ لے لی تھی پھر انہی کی حفاظت میں بارگاہِ رسالت میں حاضر ہو کر کلمہ پڑھ لیا تھا) [المستدرك على الصحيحين/كتاب : البيوع/حدیث: 2360]