سیدنا ابوذر رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”تین شخص وہ ہیں جن سے اللہ محبت فرماتا ہے اور تین وہ ہیں جن سے اللہ بغض رکھتا ہے۔ جن سے اللہ محبت فرماتا ہے وہ یہ ہیں: ایک وہ شخص جو کسی قوم کے پاس آکر اللہ کے نام پر سوال کرے اور اپنی کسی قرابت داری کا واسطہ نہ دے، پھر وہ اسے کچھ نہ دیں مگر ان کے پیچھے سے ایک آدمی نکلے اور اسے چھپ کر (صدقہ) دے جس کا علم اللہ اور لینے والے کے سوا کسی کو نہ ہو۔ دوسرے وہ لوگ جو رات بھر سفر کریں یہاں تک کہ جب نیند انہیں ہر چیز سے زیادہ محبوب ہو جائے تو وہ پڑاؤ ڈال کر سر رکھ دیں (سو جائیں)، مگر ان میں سے ایک شخص کھڑا ہو کر میری خوشامد (گڑگڑا کر دعا) کرے اور میری آیات کی تلاوت کرے۔ تیسرا وہ شخص جو کسی لشکر میں ہو اور دشمن سے مقابلہ ہو جائے، جب ساتھی شکست کھا جائیں تو وہ اپنے سینے کے ساتھ آگے بڑھے یہاں تک کہ قتل کر دیا جائے یا اللہ اسے فتح عطا فرما دے۔ اور وہ تین جن سے اللہ بغض رکھتا ہے: بوڑھا زناکار، وہ فقیر جو تکبر کرے، اور وہ مالدار جو ظلم کرے۔“ [المستدرك على الصحيحين/كتاب : الجهاد/حدیث: 2564]