سیدنا ابوہریرہ رضی اللہ عنہ سے روایت ہے کہ کوفہ کا ایک شخص عمرو بن شعیب کے پاس آیا اور کہنے لگا: کیا آپ کو تعجب نہیں کہ حسن بصری کہتے ہیں کہ جس زانی کو (حد کے) کوڑے مارے گئے ہوں وہ اپنے جیسی ہی کسی (کوڑے کھائی ہوئی) عورت سے نکاح کرے گا؟ تو عمرو نے کہا: اس میں تعجب کی کیا بات ہے، ہمیں سعید مقبری نے سیدنا ابوہریرہ کے واسطے سے نبی کریم صلی اللہ علیہ وسلم سے یہی حدیث بیان کی ہے، اور سیدنا عبداللہ بن عمرو رضی اللہ عنہما (مسجد میں) بلند آواز سے پکار کر یہی اعلان کیا کرتے تھے۔
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب النكاح/حدیث: 2820]