سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے جنگ بدر کے موقع پر فرمایا: جو شحص کسی (کافر کو) قتل کرے گا، اس کے لیے اتنا اتنا مال ہو گا۔ اس دن عمر رسیدہ لوگ جھنڈے کے نیچے تھے جبکہ نوجوان لڑائی اور مالِ غنیمت (کے حصول) میں مصروف تھے۔ عمر رسیدہ لوگوں نے نوجوانوں سے کہا: تم لوگ ہمیں بھی اپنے ساتھ شریک کرو، کیونکہ تمہارے پناہ گاہ تو ہم ہی تھے، اگر تمہیں جنگ میں کوئی نقصان پہنچتا تو تم لوٹ کر ہمارے پاس آتے، لیکن ان نوجوانوں نے اس بات کو ماننے سے انکار کر دیا، یہ لوگ اپنا جھگڑا رسول اللہ صلی اللہ علیہ وسلم کی بارگاہ میں لے گئے تب یہ آیات نازل ہوئیں ” یسالونک عن الانفال “ چنانچہ ان سب لوگوں میں برابر برابر مالِ غنیمت تقسیم کر دیا گیا۔ ٭٭ یہ حدیث صحیح ہے لیکن شیخین رحمۃ اللہ علیہما نے اس کو نقل نہیں کیا ہے۔ [المستدرك على الصحيحين/كتاب التفسير/حدیث: 2912]