سیدنا عبداللہ بن عباس رضی اللہ عنہما سے روایت ہے کہ ابونضرہ نے ان کے سامنے آیت ﴿فَمَا اسْتَمْتَعْتُمْ بِهِ مِنْهنَّ فَآتُوهُنَّ أُجُورَهُنَّ﴾ [سورة النساء: 24] تلاوت کی، تو سیدنا ابن عباس رضی اللہ عنہما نے فرمایا: ”(دراصل یہ یوں ہے:) پس جن عورتوں سے تم نے ایک مقررہ مدت تک فائدہ اٹھایا، تو انہیں ان کے مہر ادا کر دو“۔ ابونضرہ کہتے ہیں کہ میں نے عرض کی: ہم تو اسے اس طرح نہیں پڑھتے! تو ابن عباس رضی اللہ عنہما نے فرمایا: ”اللہ کی قسم! اللہ تعالیٰ نے اسے اسی طرح نازل فرمایا تھا“۔
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3231]