سیدنا عبداللہ بن عباس رضی اللہ عنہما سے اللہ تعالیٰ کے اس فرمان ﴿فَإِنْ كَانَ مِنْ قَوْمٍ عَدُوٍّ لَكُمْ وَهُوَ مُؤْمِنٌ فَتَحْرِيرُ رَقَبَةٍ مُؤْمِنَةٍ﴾ کے بارے میں روایت ہے، انہوں نے فرمایا: ”ایسا ہوتا تھا کہ کوئی شخص رسول اللہ صلی اللہ علیہ وسلم کے پاس آ کر اسلام قبول کر لیتا، پھر وہ اپنی قوم میں واپس چلا جاتا جبکہ وہ لوگ مشرک ہوتے، پھر مسلمانوں کے کسی لشکر یا جنگ میں وہ شخص غلطی سے (مسلمانوں کے ہاتھوں) مارا جاتا، تو اس (مارنے والے) پر ایک مومن غلام آزاد کرنا لازم ہوتا، اور (اسی طرح) ﴿وَإِنْ كَانَ مِنْ قَوْمٍ بَيْنَكُمْ وَبَيْنَهُمْ مِيثَاقٌ فَدِيَةٌ مُسَلَّمَةٌ إِلَى أَهْلِهِ وَتَحْرِيرُ رَقَبَةٍ مُؤْمِنَةٍ﴾ ”اور اگر وہ ایسی قوم سے ہو کہ تمہارے اور ان کے درمیان معاہدہ ہو، تو اس کے گھر والوں کو دیت پہنچائی جائے گی اور ایک مومن غلام آزاد کرنا ہوگا“ [سورة النساء: 92] ، فرمایا: (اس سے مراد یہ ہے کہ) وہ شخص خود معاہد (ذی می) ہو اور اس کی قوم بھی معاہد ہو، تو اس کی دیت ان کے حوالے کی جائے گی اور اسے قتل کرنے والا ایک غلام آزاد کرے گا“۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3240]