اسماعیل بن عبید بن رفاعہ اپنے والد اور وہ اپنے دادا سے روایت کرتے ہیں کہ رسول اللہ صلی اللہ علیہ وسلم نے قریش کو جمع کیا اور پوچھا: ”کیا تمہارے علاوہ کوئی اور بھی تمہارے ساتھ (اس محفل میں) ہے؟“ انہوں نے عرض کی: ہمارے درمیان ہمارا بھانجا، ہمارا حلیف اور ہمارا آزاد کردہ غلام (مولیٰ) موجود ہے، تو آپ صلی اللہ علیہ وسلم نے فرمایا: ”ہمارا حلیف ہم میں سے ہے، ہمارا بھانجا ہم میں سے ہے اور ہمارا مولیٰ بھی ہم میں سے ہے، (لیکن یاد رکھو!) تم میں سے میرے حقیقی دوست اور قریبی تو صرف پرہیزگار ہی ہیں“۔
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3305]