سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”اس امت میں سے جو کوئی بھی میرے بارے میں سنے، خواہ وہ یہودی ہو یا نصرانی، پھر وہ مجھ پر ایمان نہ لائے تو وہ آگ (جہنم) میں داخل ہو گا“۔ (ابن عباس فرماتے ہیں کہ) میں اپنے جی میں کہنے لگا کہ اس کی تصدیق کتاب اللہ میں کہاں ہے؟ اور ایسا بہت کم ہوتا تھا کہ میں نبی کریم صلی اللہ علیہ وسلم سے کوئی حدیث سنوں اور اس کی وضاحت قرآن میں نہ پا لوں، یہاں تک کہ میں نے یہ آیت پا لی: ﴿وَمَنْ يَكْفُرْ بِهِ مِنَ الْأَحْزَابِ فَالنَّارُ مَوْعِدُهُ﴾ [سورة هود: 17] ”اور گروہوں میں سے جو کوئی بھی اس کا انکار کرے تو آگ ہی اس کے وعدے کی جگہ ہے“، انہوں نے فرمایا: ”گروہوں (الاحزاب)“ سے مراد تمام مذاہب و ملل ہیں۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كتاب التفسير/حدیث: 3348]