سیدنا عبداللہ بن عباس رضی اللہ عنہما سے روایت ہے، انہوں نے فرمایا: ”اللہ تعالیٰ مسلسل شفاعت قبول فرماتا رہے گا اور لوگوں کو جنت میں داخل کرتا رہے گا، اور رحم فرماتا اور شفاعت قبول فرماتا رہے گا، یہاں تک کہ وہ فرمائے گا: مسلمانوں میں سے جو بھی ہے وہ جنت میں داخل ہو جائے۔ یہ وہ وقت ہوگا جب کافر کہیں گے ﴿رُبَمَا يَوَدُّ الَّذِينَ كَفَرُوا لَوْ كَانُوا مُسْلِمِينَ﴾ ”کافر بار بار یہ تمنا کریں گے کہ کاش وہ مسلمان ہوتے۔“ [سورة الحجر: 2] “
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3385]