سیدنا عبداللہ بن عباس رضی اللہ عنہما سے روایت ہے، انہوں نے کہا کہ مجھے سیدنا ابی بن کعب رضی اللہ عنہ نے حدیث بیان کی کہ نبی کریم صلی اللہ علیہ وسلم نے فرمایا: ”جب سیدنا موسیٰ علیہ السلام کی ملاقات خضر علیہ السلام سے ہوئی تو ایک پرندہ آیا اور اس نے اپنی چونچ پانی میں ڈالی۔ خضر علیہ السلام نے سیدنا موسیٰ علیہ السلام سے فرمایا: غور کرو کہ یہ پرندہ کیا کہہ رہا ہے؟ سیدنا موسیٰ علیہ السلام نے پوچھا: یہ کیا کہہ رہا ہے؟ خضر علیہ السلام نے فرمایا: یہ پرندہ کہہ رہا ہے کہ تمہارا علم اور موسیٰ کا علم اللہ کے علم کے مقابلے میں بس اتنا ہی ہے جتنا میری چونچ نے اس پانی میں سے لیا ہے۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا! [المستدرك على الصحيحين/كتاب التفسير/حدیث: 3434]