سیدنا عبداللہ بن عباس رضی اللہ عنہما فرماتے ہیں: اللہ تعالیٰ نے آدم علیہ السلام کو ” ادیم الارض “ (زمین) سے بنایا، اس لیے اس کا نام آدم رکھا گیا۔ سیدنا ابراہیم بن نافع سیدنا سعید بن جبیر کے حوالے سے سیدنا عبداللہ بن عباس رضی اللہ عنہما کا ارشاد نقل کرتے ہیں: کہ اللہ تعالیٰ نے آدم علیہ السلام کو پیدا کیا تو وہ (آدم علیہ السلام اپنے رب کو) بھول گیا تو اس کا نام انسان (بھولنے والا) رکھ دیا گیا۔ اللہ تعالیٰ نے فرمایا: وَلَقَدْ عَھِدْنَآ اِلٰٓی ٰادَمَ مِنْ قَبْلُ فَنَسِیَ وَلَمْ نَجِدْ لَہٗ عَزْمًا (طٰہٰ: 115) ” اور بے شک ہم نے آدم کو اس سے پہلے ایک تاکیدی حکم دیا تھا تو وہ بھول گیا اور ہم نے اس کا قصد نہ پایا “۔۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب التفسير/حدیث: 3477]