سیدنا عبداللہ بن عباس رضی اللہ عنہما سے روایت ہے، انہوں نے فرمایا: رات کے وقت قصہ گوئی اور باتوں ( «سَمَر») کو اس وقت ناپسند کیا گیا جب یہ آیت نازل ہوئی: ﴿مُسْتَكْبِرِينَ بِهِ سَامِرًا تَهْجُرُونَ﴾ [سورة المؤمنون: 67] ”تکبر کرتے ہوئے اس کے بارے میں قصہ گوئی کرتے ہوئے بکواس کرتے تھے۔“ انہوں نے کہا کہ وہ بیت اللہ کی وجہ سے تکبر کرتے تھے اور کہتے تھے کہ ہم اس کے رکھوالے ہیں، اور ﴿تَهْجُرُونَ﴾ کا مطلب یہ ہے کہ وہ اسے چھوڑے رکھتے تھے اور اسے (عبادت سے) آباد نہیں کرتے تھے۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3529]