سیدنا عبداللہ بن عباس رضی اللہ عنہما فرماتے ہیں: جب یہ آیت نازل ہوئی: سَبِّحِ اسْمَ رَبِّکَ الْاَعْلَی (الاعلیٰ: 1) ” اپنے رب کے نام کی پاکی بولو جو سب سے بلند ہے “۔ آپ نے فرمایا: یہ تمام سیدنا ابراہیم علیہ السلام کے صحیفوں میں ہیں۔ پھر جب یہ آیت نازل ہوئی: وَ النَّجْمِ اِذَا ھَوٰی (النجم: 1) تو وَ اِبْرَاھِیْمَ الَّذِیْ وَفّٰٓی (النجم: 37) ” اور ابراہیم کے جو پورے احکام بجا لایا “۔ (،) تک پہنچے۔ آپ نے فرمایا: بجا لایا۔ پھر پڑھا: اَلاَّ تَزِرُ وَازِرَۃٌ وِّزْرَ اُخْرٰی (النجم: 38) ” کہ کوئی بوجھ اٹھانے والی جان دوسری کا بوجھ نہیں اٹھاتی “۔ ھٰذَا نَذِیْرٌ مِّنَ النُّذُرِ الْاُوْلٰی (النجم: 56) ” یہ ایک ڈر سنانے والے ہیں اگلے ڈرانے والوں کی طرح “۔ تک۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كتاب التفسير/حدیث: 3633]