سیدنا سعد ہشام بن عامر رضی اللہ عنہ اللہ تعالیٰ کے ارشاد: وَ اِنَّکَ لَعَلٰی لَخُلُقٍ عَظِیْمٍ (القلم: 4) ” اور بیشک تمہاری خو بو (خلق) بڑی شان کی ہے۔“ کے متعلق فرماتے ہیں: میں نے ام المومنین سیدہ عائشہ رضی اللہ عنہا سے کہا: اے ام المومنین رضی اللہ عنہا: آپ مجھے رسول اللہ صلی اللہ علیہ وسلم کے اخلاق کے متعلق کچھ بتائیں۔ انہوں نے کہا: کیا تم قرآن پڑھتے ہو؟ میں نے جواباً کہا: جی ہاں۔ انہوں نے فرمایا: بے شک رسول اللہ کا خلق ” قرآن “ ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب التفسير/حدیث: 3884]