سیدنا جبیر ابن نضیر رضی اللہ عنہ کہتے ہیں: میں حج کرنے گیا تو ام المومنین سیدہ عائشہ صدیقہ رضی اللہ عنہا کی خدمت میں حاضر ہوا اور ان سے رسول اللہ صلی اللہ علیہ وسلم کے قیام کے بارے میں پوچھا تو انہوں نے فرمایا: کیا تم سورۃ مزمل نہیں پڑھتے ہو؟ میں نے کہا: کیوں نہیں۔ انہوں نے فرمایا: یہی تو ان کا قیام ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كتاب التفسير/حدیث: 3904]